Umculi we-R&B owayeqokelwe indondo yama-Grammy uFreddie Jackson, owaziwa ngezingoma zakhe ezimtoti zama-1980 ezithi “Rock Me Tonight (For Old Times Sake)” kanye ne-“You Are My Lady,” akasekho emhlabeni.
Udlule emhlabeni eneminyaka engu-70 ubudala.
Isitatimende esikhishwe ngumndeni wakhe ekhasini lakhe elisemthethweni le-Instagram siqinisekise ukuthi uJackson ushone ngoMsombuluko, ngemuva kwezinsuku ezintathu kade ehlanganisa iminyaka engu-70 yobudala.
Imbangeka yokushona kwakhe ayidalulwanga.
Imininingwane mayelana namalungiselelo izomenyezelwa ezinsukwini ezizayo.
Ngo-2024, uJackson wadalula ukuthi utholakale enesifo sezinso kwi-video ayifaka ezinkundleni zakhe zokuxhumana.
Ngaleso sikhathi, uJackson waphinde wadalula ukuthi wayesebenzisana ne-National Kidney Foundation ukuze kusatshalaliswe ulwazi ngalesi sifo.
Amazwi enduduzo alokhu egeleze njalo ezinkundleni zokuxhumana kulandela ukuzwala ngokudlula kwalesi sihlabani somculi.
Discover more from IBUNDA NEWS
Subscribe to get the latest posts sent to your email.
