Sekunezinkomba ezibukeka ziwukuhlasela umkhandlu kucekelwa phansi inqalasizinda yamanzi. Umasipala wesifunda usebenza ngokuzikhandla ukuletha intuthuko ukuze umphakathi uhlinzekwe ngamanzi ahlanzekile. Sekuneziwombe eziningi ezenzekayo nezikhomba ukucija kwemikhonto kucekelwa phansi ukusebenza kukamasipala ngendlela efanelekile. Siyanxenxa ukubambisana phakathi komasipala nomphakathi ukuvikela inqalasizinda ukuthi ingantshontshwa noma icekelwe phansi.
Sekuntshontshwe ama boreholes amabili ngaphansi kamasipala waseNquthu ku Ward 8 Emagongoloza. Ukuthathwa kwalama boreholes kuzophazamisa umphakathi ekutholeni amanzi kuphinde kubuyisele emuva umsebenzi osewenziwe kuchithwa izimali efakwa kabusha. EMvoti eGreytown kususwe ukhonkolo obiyele i-Reservoir okuyinto embi ebuyisela emuva ukusebenza kuka masipala.
Zonke lezigameko zizodinga enye imali ebingahlelewe ukuzibuyisela esimweni ekade siyizo. Sinenkinga yokuntshontshwa kwama cable kagesi nokuphazamisa ukumpontshwq kwamanzi. Zonke lezi zinto esezibaluliwe zinomthelela omubi ekusebenzeni komkhandlu.
Amacala avuliwe emaphoyiseni uphenyo luyaqhubeka, sicela umphakathi ubambisane nomthetho ukuze lezigila mkhuba zitholwe. Sicela umphakathi wakithi uvikele inqalasinda yawo ukuze ingeke iphazamiseke ekuhlinzekeni izidingo zawo.
Discover more from IBUNDA NEWS
Subscribe to get the latest posts sent to your email.
