Kubukeka sanda isibalo sabadlali abalimele eqenjini leKaizer Chiefs njengoba umdlali wasemuva weKaizer Chiefs, u-Edmilson Dove, esejoyine uhlu lwabalimele eqenjini ngemuva kokulimala ngoLwesihlanu ekhempini yaMakhosi yokulungiselela isizini eTürkiye.
Lo mdlali odabuka eMozambique uhlolwe yithimba lodokotela elisekhempini. Uzosuka e-Türkiye abuyele eNingizimu Afrika ukuze ayohlolwa ngokugcwele kanye nokunakekelwa kwezempilo.
“Simfisela yena, kanye nabanye ozakwethu abalimele ukululama okusheshayo futhi sibheke ngabomvu ukubabona bebuyela ezinkundleni zokuzilolonga kanye nenkundla yokudlala maduze.: kubhala isitatimende saleliqembu ke-X
