UNDUNANKULU waseKZN, uNkk Nomusa Dube-Ncube, unxusa wonke umuntu ukuthi ayeke ukusebenzisa ukufa kwamakhosi ukuze athole amaphuzu ashibhile kwezombusazwe.
Lokhu kulandela ukuthi iNkatha Freedom Party (IFP) ibuze ngo-R11,5 million okuthiwa unikezwe uMnyango wezokuPhepha nokuXhumanisa uMphakathi. Le mali kuthiwa bekuhloswe ngayo ukusungula uphiko lweCommunity Safety Intervention, oluzovikela amakhosi esifundazweni.
I-IFP ibuze lo mbuzo ngemuva kokuthi inkosi uSiphamandla Khumalo wase-Utrecht Emadlangeni, e-KZN eyadutshulwa yabulawa ishayela nonkosikazi wayo ngaphandle kwesivikelo yize yasinda ngesikhathi izama ukuyibulala ngoNovemba 2022.
UDube-Ncube uthe: “Sifuna ukuseluleka sonke ukuthi simelane nesilingo sokuthola amaphuzu ashibhile kwezepolitiki ngenxa yokuhlonipha imindeni nemiphakathi edabukile, sivumele uhulumeni jikelele ikakhulukazi ama-SAPS ukuthi aqhubeke nemizamo yawo. ukunqanda lesi sishayo ngaphandle kwezithiyo.”
Discover more from IBUNDA NEWS
Subscribe to get the latest posts sent to your email.
