Ingwazi ifisa uBroos aqoke uRayners kwiBafana

ULes Grobler, oyingwazi yeMoroka Swallows FC, ukholwa ukuthi uHugo Broos kumele avume ukuthi afake u-Iqraam Rayners kwiBafana Bafana.

UGrobler uthi uRayners ungumgadli osezingeni eliphezulu futhi okwaziyo ukubhakuzisa inethi.

URayners usedlale imidlalo engu-17 washaya amagoli angu-10 njengamanje.

URayners uthole ukulimala ngesikhathi kuqala imidlalo yeBetway Premiership League lokho kumkhinyabezile nokumenze waphuthelwa yithuba lokumela iBafana Bafana ku-Afcon eMorocco.

“Lomgadli ubonakala engcono kakhulu kunabanye abagadli beqembu lesizwe lakuleli iBafana Bafana abanjengo-Lyle Foster no-Evidence Makgopa,” kusho uGrobler.

UGrobler uthe uBroos kungakuhle amnike ithuba uRayners.

About The Author

Mduduzi Mbangayiya

See author's posts