Inkakha yebhola esathatha umhlalaphansi u-George Weah ugxeke isinqumo esithathwe yikomidi elizimele sokuphuca iSenegal inkomishi ye AFCON lanikeza iMorocco.
Leli komidi lithi iMorocco iyona engompetha be-AFCON ka-2025.
UWeah uthe lesinqumo sizodala uqhekeko ebholeni lase Africa.
“Imithetho yebhola icacile ukuthi isinqumo sikanompempe singujuqu enkundleni ngakho lokhu ngiyakuqala ebholeni ukuthi kuhlale 58 wezinsuku kubuye sekuthiwa iMorocco isingomphetha.
“Kumele umphumela owatholakala enkundleni ume ngoba usemthethweni webhola hhayi lona -ongekho emthethweni ka FIFA,” kuqhuba uWeah.
Inhlangano yeCAF iyona ekumele iphume nesinqumo esingujuqu kuloluda neFIFA ngoba bangabaphathi bebhola.
“Ubulungiswa siyabudinga kulesi nqumo esithathiwe yikomidi elizimele ngoba cha badlala ngegeja kuziliwe,” kusho le nkakha.
Uthe uyavuma ukuthi iqembu lesizwe laseSenegal kwakumele ijeziswe ngokuziphatha kabi kwabadlali nabaqeqeshi enkundleni beduba umdlalo.
U-Weah waba ngowokuqala kubantu abamnyama emhlabeni jikelele ukunqoba iBallon d’Or ngo-1995 ngesikhathi engumdlali we-AC Milan yase-Italy.
Unxuse inkantolo yebhola yebhola lomhlaba i-Court of Arbitration ukuthi ithathe isinqumo esifanele.
Discover more from IBUNDA NEWS
Subscribe to get the latest posts sent to your email.
