Nokho alikho elinye ikhansela le-ANC kumasipala waseMthonjaneni (Melmoth) oholwa yi-IFP enyakatho yeKwaZulu-Natal elishiye isigubhukane esikhundleni salo kwezombusazwe. UKhansela Kwazikwenkosi Mkhize waku-ward 10 uphonse ithawula ngasekupheleni kwesonto eledlule, kodwa umasipala uze ukuqinisekisile ngokusemthethweni ukwesula kwakhe esitatimendeni esikhishwe kwabezindaba ekuseni.
Ubalule izinkinga zezempilo njengesizathu esimenze wasula esikhundleni abesibambe kusukela ngoNovemba 2021.
UMkhize ungena ohlwini olude lwamakhansela e-ANC asulile ekubeni amakhansela amawadi nokwacaba indlela yokhetho lokuchibiyela olugcine lunqotshwe yi-IFP, nokwenze yaqina ukubusa kwayo komasipala abaningi enyakatho yesifundazwe.
Discover more from IBUNDA NEWS
Subscribe to get the latest posts sent to your email.
