Usagcwele amathafa osolwa ngokubulala abasebenzi bakwa-Boxer

Sekuvele amavideo e-CCTV akhombisa owayengumsebenzi wesitolo sakwa-Boxer edubula ebulale abaphathi besifazane abathathu ngesikhathi sokulalelwa kwecala lokuqondiswa kwezigwegwe esitolo saseShowe, KwaZulu-Natal.

Ngokusho kwamaphoyisa ophiko lwe-SouthAfrican Police Service -SAPS, umsolwa kuthiwa wadubula ngesikhathi kulalelwa lelo cala, wabulala abaphathi abathathu,; ophethe esitolo, ophethe ababhaki kanye nomabhalane endaweni yesigameko.

Imibiko ikhombisa ukuthi ukudubula kwenzeka ngemuva kokuba umsolwa etshelwe ngesinqumo sodaba lwakhe lokuqondiswa kwezigwegwe.

Kubikwa ukuthi lo msolwa akakatholakali, amaphoyisa asamthungatha.

I-Boxer Group ithe bonke abasebenzi bayo abathinteke kulesi sigameko bathola usizo lokwelulekwa ngokwengqondo, kantu futhi ezinkundleni zokuxhumana abasebenzi babonakala bebambene izandla bekhuleka.

Abakwa-Boxer bathi babuhlungu ngokwenzeke kubasebenzi babo, badlulisa namazwi enduduzo emndenini yabo kanti futhi basebenzisana namaphoyisa njengoba kuqhubeka uphenyo.