Iminyaka engu-40 ebhadle ejele kowabulala uTupac Shakur

Owayengumholi weqembu lezigelekeqe uDuane “Keffe D” Davis, oneminyaka engu-63 ubudala, ugwetshwe iminyaka engu-40 kuya kudilika ejele ngokubangungqondongondo esigamekweni sango-1996 okwabulala kuso isihlabani somculo we-hip-hop uTupac Shakur, eLas Vegas.

UDavis watholakala enecala lokubulala ngo-Augusti futhi wathola izigwebo ezimbili ezilandelanayo zeminyaka engu-20 kuya kudilika ngokubulala nokusebenzisa isikhali esibulalayo.

Ngesikhathi egwetshwa, uDavis wabonisa imizwa emncane, futhi wacela ukubuyiselwa izinto ezathathwa ekhaya lakhe ngabaphenyi. Waphinde waqinisekisa inhloso yakhe yokudlulisa icala, nokuyisinyathelo esisekelwa nangummeli wakhe, uMichael Sanft.