Ngu: Alfred Ngubane
Osihlalo bamaqembu adlala ku-ABC Motsepe League KwaZulu-Natal babhodla umlilo ngenkulumo eyenziwe nguNtuthuko Cream Mlaba ongomunye wabaphathi boMkhambathi FC kuKhozi Fm lapho ebize khona izikhulu zebhola ngezigebengu.
Osihlalo bathi bekungamele asebenzise umsakazo njenge thuluzi lokuhlambalaza i-iSAFA KwaZulu-Natal njengoba kuyona ephethe ibhola. Omunye wosihlalo ongathandanga negama lakhe ushaye ngamafuphi wathi kuyichilo okushiwo nguMlaba ngokuhlambalaza iSAFA KwaZulu-Natal ngoba iyona ephethe ibhola.
“Mangabe kukhona okungahambi kahle ebholeni kumele alandele imigudu efanelekile yeSAFA,” kusho lesi sikhulu. Sithi iSAFA kuzomele ilusukumele loludaba ngoba ludicilela phansi isithunzi sayo.
ISAFA KwaZulu-Natal ithi izophawula mangabe sekuphume isinqumo namuhla, kunovalo lokuthi uMlaba angase athathelwe izinyathelo ezinqala ngenkulumo yakhe.
Discover more from IBUNDA NEWS
Subscribe to get the latest posts sent to your email.
