Ngu: Alfred Ngubane |
Kuzosiphuka izidindi uma sekutholana phezulu iDurban City neTS Galaxy kowamanqamu weNedbank Cup ePeter Mokaba Stadium namhlanje ngo 18:00. Lamaqembu azoya kulo mdlalo ephekwa abaqeqeshi ababambile.
KuDurban City kukhona uPitso Dladla kanti kwiGalaxy kukhona uBenard Paker. Owedwa phakathi kwabo kuzophela usuku esengushampeni. Uma iDurban City inqoba lenkomishi yeNedbank Cup kuzosho ukuthi izoba yiqembu lesibili elingomakoti kuPSL njengoba ngesizini edlule kunqobe iMagesi FC inkomishi yeCarling Black Label Cup.
Ngakolunye uhlangothi, uParker ozobe ehola iGalaxy uzobe engaqali ukunqoba iNedbank Cup njengoba ngaphambilini wayinqoba esengumdlali weKaizer Chiefs.
Kuzokhumbuleka ukuthi ngemuva kweminyaka engaphezu kweyishumi iTS Galaxy FC yanqoba lenkomishi yeNedbank Cup eMoses Mabhida Stadium yehlula iKaizer Chiefs ngo 1-0 ngegoli likaZakhele Lepasa.
UDladla unamava okukhuphula amaqembu kumaligi ahlukene njengoba wakhuphula uThongathi United walifaka kuMotsepe Foundation League, waphinda wakhuphula iDurban City FC neRichard Bay FC.
Discover more from IBUNDA NEWS
Subscribe to get the latest posts sent to your email.
