UNkosingiphile “The Prince” Sibisi uqhubekile nokudlondlobala esibhakeleni waqhubeka nerekhodi lakhe lokungahlulwa ezimpini ezingu 12 kulandela ukukwazi ukuvikela isicoco saseNingizimu Afrika kwi-Flyweight ngesikhathi ehlula ngamaphuzu uFrank Sotomela waseMthatha e-Eastern Cape.
USibisi ubesevikela ibhande lakhe ihlandla lesithathu ngaphandle kokuthola uswazi.
Kuzokhumbuleka ukuthi lempi kaSibisi noSotomela bekungeyosuku ezimpini ebeziqhathwe yiHlula Dladla Boxing Promotions eholwa ngu Hlulokwakhe Dladla ngaphansi kwesiqubulo esithi “Blood & Sweat”, lezimpi bezibanjelwe e-Escourt Town Hall.
Kwezinye izimpi ebezikhona uNhlakanipho “GTI” Kunene kuphele usuku lwayizolo esengumpetha we-WBF Intercontinental kwi-Mini Flyweight ngokuhlula ngamaphuzu u-Ally Ngwado waseTanzania.
USakhile Hlatshwayo uginqe phansi uSanele Maduna, uMxolisi Zuma wehlula uSaul Hlungwane waseLimpopo, uKhethelo Dladla naye uhlule uLimbani Lano waseMalawi kwathi uLethokuhle Sibisi yena wanqoba ngamaphuzu kuSakina Ibrahim naye ongowokudabuka eMalawi.
Discover more from IBUNDA NEWS
Subscribe to get the latest posts sent to your email.
