Ngu: Mduduzi Mbangayiya
UDoctor 16 V Khumalo oyingwazi yeKaizer Chiefs uthi leliqembu alinayo indlela yokudlala, okwenza lidlale into enhlakanhlaka.
IChiefs ibhuquziswe yi-Orlando Pirates ngo-3-0, emdlalweni weBetway Premiership obuseFNB ngoMgqibelo.
Abadlali beMpofana okubalwa uNkosingiphile Ngcobo, Pule Monndi, Glodly Lilepo, Inacia Miguel, Zitha Kwinika noBruce Bvuma ngabanye babadlali abaphambane nomdlalo waze waphela.
Ukushaywa kweChiefs ngale ndlela kukhombise ukuthi iqembu alinabo abaqeqeshi kodwa linezichuse.
IPirates ihlasele umdlalo uqala waze wayophela.
Igoli lokuqala ilishaye umdlalo usanda kuqala. Kuyiwe ekhefini eZimnyama zihamba phambili ngo-2-0.
Indlela ebidlala ngayo iChiefs ibikhombisa ukuthi ngeke ikwazi ukubuya emdlalweni okwenza iPirates yashaya igoli lesithathu elize no-Evidence Makgoba ongene esuka ebhentshini.
Discover more from IBUNDA NEWS
Subscribe to get the latest posts sent to your email.
