By Sidlabehlezi Gumede
Azisabuthi qothu ubuthongo izikhulu zikamasipala waseMzinyathi ebezihlomula kumathenda abecoshwa osonkontileka abehlukene ngemuva kokujutshwa kophiko olukhethekile oluphenya amacala abacayi iSpecial Investiting Unit (SIU) ukuba izophenya kolu mkhandlu.
Lolu phiko lujutshwe nguMengameli uCyril Ramaphosa ukuba liphenye.
Umsebenzi walo ukuthi lenze isiqiniseko sokuthi imali okukholakala ukuthi yakhwatshwaniswa ukuba ibuye.
Uma liphenya alishiyi lutho uma nje kukhona okunuka santungwana.
ISIU ayivamisile ukuba ibuye ilambatha.
Umkhandlu waseMzinyathi ukhiphe isitatimende uthi uyalwamukela uphenyo lweSIU.
Abaziyo ukuthi banamabatha kuzomele baqale bazilungiselele ukuthi bazobhekana kanjani nalolu phiko.
Umzinyathi akuwona kuphela umkhandlu waseKZN ophenywa iSIU.
UDukuza neNewcastle nabo bayaphenywa.
Discover more from IBUNDA NEWS
Subscribe to get the latest posts sent to your email.
