IPrince Mangosuthu Marathon yethulwe ngokusemthethweni izolo eLangeni Hotel eThekwini kanti lomjaho uqale ukuba khona ngo 2019.
UMeya womkhandlu wase Mzinyathi PS Ngubane uthi lomjaho bawuqale noMeya wase Msinga Dr FJ Sikhakhane ngenhloso yokuhlonipha iNkosi Mangosuthu Buthelezi ngeqaza lakhe alibamba ekuthukuseni umphakathi wakuleli.
UNgubane uyimeya ekade isondelene kakhulu noMntwana waka Phindangene kanye neSilo Mdlokombane njengoba uNgubane uzalwa ebukhosini baMabomvu eMsinga.
Khona manjalo Inkosi uZuzifa Buthelezi oyinkosana ka Mangosuthu Buthelezi uqhakambise ukubaluleka kwalomqhudelwano waveza nokuthi uMtwana wakwa Phindangene Inkosi Mangosuthu Buthelezi wayeqaphela kakhulu into ethinta igama lakhe
ngoba wayengavumi nhlobo ukuthi iqanjwe ngaye mangabe ingazokwenza umehluko ezimpilweni zabantu.
Kodwa ngesikhathi efika kuyena uMbomvu wavumela phezulu ukuthi lomjaho uqanjwe ngaye. Ngumjaho wokuqala KwaZulu-Natal okhokha imali enkulu kakhulu njengoba ophuma phambili kwabesifazane nabesilisa ebangeni lika 52 km bathola R100 000, isibili ngu R50 000, bese kuthi Ku 21 Km umphetha wakhona uthola R50 000 kugcine ngo 10 km uthola R5000.
Lomjaho uzoba ngoMay 5 ngokusho komqondisi we Prince Mangosuthu Marathon uCeli Makhoba kanti uzosuka eDundee eduze nebhilidi iPrincess Magogo ekuseni ngo 5:30 uphelele eNquthu Stadium.
Discover more from IBUNDA NEWS
Subscribe to get the latest posts sent to your email.
