“Ngikhathele mina kanye nabadlali bami ukuhlulwa yi TS Galaxy, isihlula ngamaphutha ethu amancane esiwenzayo.” lawa ngamazwi omqeqeshi weGoldeni Arrows, uMabhuti Khenyeza ngoba ekhala nge TS Galaxy ukuthi isibaphuze inyongo.
“Manje sizodlala nabo okwesithathu kumanje kulowomnyama basishaye amahlandla amabili, kodwa kulokhu ngeke nhlobo sibavumele bachanase kodwa sizobashaya kumnyama kubomvu. Sifuna ukubuyisa kanzima izinduka ku TS Galaxy ngoba bayalwazi udaba lwempi yethu sobabili.” kuqhuba lomqeqeshi.
UKhanyeza uqube wabeka ukubaluleka kwalomdlalo kubona, “…lomdlalo wethu nabo ngomqoka kakhulu kithina nabo ngoba bazoza ngomqondo wokuthi bayasihlula.” kunanela yena.
Abafana besithende banakho ukukhathazeka ngokugqoza ngemiphumela engemihle, njengoba kulokhu bazohlangana nezimbila zithutha ziholwa ngemhlophe phambili, ngoba bajwayele ukuthi njalo mangabe behlangana nathi bazosishaya. Lamaqembu azohlangana ku Nedbank Cup eMpumalanga Stadium ngo 23 February 2024.
Discover more from IBUNDA NEWS
Subscribe to get the latest posts sent to your email.
