U-Owen Ace Nzimande oyinkakha yebhola lezinyawo esifundazweni, ukhomba abaphathi bamaqembu aKwaZulu-Natal ngokuba yizihluleki zoqobo. Lenkakha ithimula ngalokhu futhi ibagxeka ngokungakwazi ukubeka ezingeni eliphezulu umdlalo womkhaya.
“Labantu banamaqembu kodwa bahlulwa ukudayisa lomdlalo womkhaya ukuthi ubesezingeni eliphezulu. Bathanda ukulandelana no Dr Irvin Khoza no Dr Kaizer Motaung kuphela, balokhu bencetheza kubona kodwa nabo banamaqembu.” kusho uNzimande.
“Abalandeli bebhola KwaZulu-Natal kumele bakuqonde ukuthi ibhola libulawa ngabaphathi bamaqembu. Uzothola ukuthi ababagqugquzeli abalandeli ngokuthi bagcwalise izinkundla nangendlela amaqembu abo adlala ngayo njengoba alikho iqembu elilwela ukuthi nqoba indebe ye-PSL noma inkomishi.
Esikhundlelni sokuthi banqobe izinkomishi noma iligi, bona balwelwa ukuvika izembe kuphela kodwa balokhu beqhakambisa umlando ongasho lutho. Kumele ngabe amaqembu a KwaZulu-Natal anabadlali bezinga eliphezulu abazakhele bona.” kunanela lenkakha.
Abadlali bamaqembu amakhulu ase Gauteng baqhamuka KwaZulu-Natal 70%, kanti kumele baqale begcine abadlali abanohlonzo. Kuncono mangabe umdlali edayiselwa amaqembu amakhulu phesheya kwezilwandle benze inzuzo ngabo.” kuphetha uNzimande.
Discover more from IBUNDA NEWS
Subscribe to get the latest posts sent to your email.
