Uhlelo lwamapayipi amanzi aseJozini olubiza u-R133 million lusaqhubeka futhi kanti amakhilomitha angu-15 kwangu-9 000 asemisiwe ngaphansi komhlaba. Lolu hlelo lwadala umunyu ngo-2012 ngemuva kokuthi izingxenye zamapayipi zishiywe endaweni evulekile yaseJozini yinkampani exhumene noSbu Ncube, owayengumyeni kaNdunankulu waKwaZulu-Natal uNomsa Dube-Ncube.
Indaba yokulahlwa kwamapayipi yadalulwa yiphephandaba iSunday Times yafaka uNdunankulu wangaleso sikhathi eKZN uZweli Mkhize ngaphansi kwengcindezi. U-African, okuyinkampani eyathola ithenda yokufaka la mapayipi, wayemataniswa noNcube owayenguNgqongqoshe wezokuBusa ngokuBambisana neziNdaba zoMdabu ngaleso sikhathi.
UNcube uthe wesulile kule nkampani emasontweni amathathu ngaphambi kokuthi kukhishwe ithenda. Lolu hlelo luqale ngonyaka odlule ngemuva kokuthi uMasipala wesiFunda uMkhanyakude uvumile ukuxhasa ukufakwa kwamapayipi ukuze kunyuswe ukusatshalaliswa kwamanzi emiphakathini eseduze asuka edamini iJozini.
La mapayipi alahliwe abeyizidleke zezigebengu ezihlukumeza umphakathi enyakatho ekude ne-KZN. Isakhamuzi saseJozini, uLinah Nkosi, uthe kube buhlungu ukubona amapayipi alahliwe ngesikhathi benenkinga yokuntuleka kwamanzi. “Siyajabula ukuthi ekugcineni umasipala wesifunda usunqume ukuqhubeka nomsebenzi wokufaka lawo mapayipi amanzi,” kusho yena.
Lelipayipi lizosiza imiphakathi yaseNgwanase, Jozini, Ngwavuma kanye nezindawo eziseduze. NgoLwesithathu, imeya yaseJozini uSiphile Mdaka kanye nesigungu sakhe bahlole iziza eziningi ukuqinisekisa ukuthi ukufakwa kwamapayipi kuhamba ngokohlelo. Uthe umbango wamapayipi ube yinkinga kumasipala. Ihhovisi likaMcwaningi Mabhuku libuze ngezindleko umasipala wanquma ukufaka amapayipi akhona esikhundleni sokuthenga amasha.
“Kwakunzima ukuthi amapayipi anjalo ashiywe… ngenkathi abantu bezabalaza ukusabalalisa amanzi,” kusho uMdaka. “Inselelo enkulu kwaba wuxhaso lokukhokhela ukufakwa kwayo ngemuva kokuthi ithengwe [ngo-R133-million].” UMdaka uthe umsebenzi kumele uphothulwe ngo-Ephreli ngoba usonkontileka usebenza ngokushesha.
Discover more from IBUNDA NEWS
Subscribe to get the latest posts sent to your email.
