Umtshali-zimali wekhonsathi kaBurna Boy ususwe ukukhwabanisa, wenza isifungo sokufuna ubulungiswa

U-Gregory Wings, usomabhizinisi waseMelika owatshala imali engaphezulu kuka-R9.1-million ekhonsathini ekhanseliwe kaBurna Boy eGoli, usuliwe wonke amacala okukhwabanisa yiNkantolo yeMantshi yase-Alexandra.

UWings ubesolwa ngokweba imali yabadayisi bamakhonsathi kanye noTicketpro, okungmdidiyeli wamathikithi kulo mcimbi. Nokho uthi waqolwa ngowayesebenzisana naye kwezamabhizinisi, uSedote Nwachukwu, oyisikhulu seTernary Media Group, okuyinkampani ehlela lo mcimbi.

Ikhonsathi, obekufanele ihlanganise umculi waseNigeria, umbhali wamaculo kanye nomdidiyeli werekhodi, uBurna Boy, ekuqaleni bekuhlelelwe ukuthi ibe mhla zingama-23 kuSepthemba 2023 e-FNB Stadium, kodwa lahlehliselwa umhla zili-16 kuZibandlela wezi-2023 ngenxa yezinsolo zokukhwabanisa. Kamuva yakhanselwa ngokusemthethweni futhi abanikazi bamathikithi babuyiselwa imali.

UWings, uthe wathintwa nguNwachukwu ukuba azotshala imali yakhe ekhonsathini, wavuma ukuba wumxhasi, kaNwachukwu.

Ngokuhamba kwesikhathi uthole ukuthi uNwachukwu akazange abakhokhele abadayisi, waphatha kabi imali yokuthengwa kwamathikithi, wakhwabanisa u-R10 million wenkampani. UWings wabe esevulela uNwachukwu icala esiteshini samaphoyisa eSandton ngoSepthemba.

UNwachukwu nokho unyamalele kanti kukholakala ukuthi ubalekile kuleli ukuze angaboshwa. UWings waboshelwa ukukhwabanisa ngo-Okthoba wahlala isonto lonke ejele laseSun City (Johannesburg Prison) ngaphambi kokuba adedelwe ngebheyili. Walondoloza ubumsulwa bakhe futhi wabambisana neziphathimandla ukuze zihlanze igama nesithunzi sakhe.

U-Wings uthe udumele kakhulu ngemikhonyovu ebibhekiswe kuye ngesikhathi ezama ukutshala imali eNingizimu Afrika, nokuthi lezi zenzo kwehlisa ukwethenjwa futhi zingcolise nokutshalwa kwezimali.

Uphinde wathi akumthenanga amandla ngenxa yalolu vivinyo, futhi usazibophezele ekufakeni isandla ekukhuleni nasekuchumeni kweNingizimu Afrika ngokutshalwa kwezimali okunamasu nokunomthelela. Uveze ukuthi usenebhizinisi elisha elizoba “isikhumbuzo”.

U-Wings uphinde waveza ukuthi ujabule futhi wakhululeka ngokuvulelwa wonke amacala okukhwabanisa, kodwa ukufuna ubulungiswa. Ufunge wagomela ukuthi uzoqinisekisa ukuthi bonke abenzi bobubi abathintekayo abangagcini ngokuboshwa kodwa baphinde baziphendulele ngezinyathelo zomthetho. Uthe uzosebenzisana neziphathimandla ukuqinisekisa ukuthi izigebengu zangempela kulolu daba ziyagwetshwa.