Umbuso we Kaizer Chiefs unqotshwe yiMamelodi Sundowns FC

Leliqembu laseNaturena seliqede iminyaka eyishumi lingayazazi nhlobo izinkomishi kanti lokhu kumangaze abadlali abaningi abakudala baleliqembu abakhanda udumo laleliqembu. Abafana bokuthula noxolo yaduma kakhulu ngokuthatha izinkomishi kusukela ngeminyaka yama 70s kuza kuma2000. Lapho leliqembu belidubula ngezinkhakha zabadlali abafana no-AceNtsoelengoe, Jane Malombo Lechaba, Dladla, Doctor Khumalo, Donald Ace Khuse, Neil Tovey, Lucas Rhoo Radebe, Able Chacklas Shongwe, William Shongwe.

Leliqembu elaziwa njengamanye adume kakhulu kwezebhola lapha eNingizimu Afrika laliphinde lihlukumeze amanye amaqembu ngabadlali abafana no John Shoes Moshoeu, Scara Thintwa, Pule, Ronnie Dube, Brain Baloyi, Rowen Fernandes, Emille Baron, Simphiwe Tshabalala, Renilwe Yeye Letsolonyane, Tinashe Washington Nengomashe, Punch Senamela, Knowledge Musona, Jacob Asinamali Tshisevhe,Itumeleng Khune, Shakes Kungwane, kanti iningi labo liyalila ngokufadalala kombuso we Kaizer Chiefs.