Ikhehla livele enkantolo ngecala lokudlwengula umzukulu liphindelela

UMkhulu obezitika ngomzukulu wakhe ngocansi uvele kafushane enkantolo kaMantshi yase Mzumbe ebhekene necala lokumdlwengula ephindelela.

Umsolwa oneminyaka ewu-64 ubudala kuthiwa ubehlala naye umzukulu (16) ekhaya, kanti ithumbu liqhumbuke ngokuthi umntwana azame ukuzibulala, kunjalo uke wazisola ukuthi uzithwele kusalindwe aye kwi-ultrasound ezoqinisekisa imiphumela.

I-Woman of Umthwalume ibhikisha ngaphandle enkantolo, iphikisana nokuthi umsolwa athole ibheyili.