Kushaqwe ugwayi ongekho emthethweni obiza ngaphezu kuka-R40 million

Amaphoyisa aseThekwini ashaqe ugwayi ongekho emthethweni wemali engaphezu kuka-R40 million.

Umsebenzi obucayi kakhulu – oholwa amalungu e-National Crime Intelligence, ngosizo lwe-Durban Metro Police Tactical Support Unit kanye ne-Hawks – wenzeke ekuqaleni kosuku lwangoLwesine.

Izindawo ezimbili zokugcina impahla, e-Avoca naseBriardene, zigaselwe ngemuva kokuba umshayeli wezigilamkhuba ebanjwe ngamaphoyisa.

Izincwadi ezigunyaza ukusesha izikhungo zokusabalalisa ugwayi bese zivele zigunyaziwe ngokusekelwe wuphenyo obeseluqalile.

Ukuseshwa kwazo zombili lezi zindawo kuholele ekutholakaleni kukagwayi ongekho emthethweni, wemali engu-R41 million.

I-SARS Customs and Excise ibizelwe ukusiza endaweni yesehlakalo, esacutshungulwa.

Lolu daba lusaphenywa kanti kulindeleke ukuba kuboshwe absolwa maduze.