I-NCC imemezele ukubuyiselwa emuva kwezimoto namaloli

I-National Consumer Commission (NCC) imemezele ukubuyiselwa emuva kwezimoto ngenxa yezinkinga zokuphepha, okuthinta inqwaba yezimoto zakwa-Audi Q3, izimoto zakwa-Hyundai Santa Fe MX5 HEV kanye namaloli akwa-Toyota Hino 700 kulo lonke izwe laseNingizimu Afrika.

Lesi simemezelo sokubuyiselwa kwezimoto emuva senziwe ngemuva kokuba abahlinzeki balezi zimoto bethumele isaziso kwi-NCC mayelana namaphutha okuphepha athinta izimoto ezingu-879 kubalwa namaloli.

Isibalo esikhulu sezimoto okumele zibuyiselwe emuva ngogandaganda (truck tractors) bakwa-Hino 700 abangu-482 abathengiswa kwa-Toyota South Africa.

Ngokusho kwalowo okhulumela i-NCC uPheto Ntaba, amaloli akwa-Hino 700 athintekayo ayethengiswa phakathi komhlaka-17 April 2023 no-17 January 2025.

Ezinye izimoto ezimenyezelwe ukuba zibuyiselwe emuva ezingu-235 zohlobo lwe-Audi Q3 ezathengiswa ezweni lonke ngabathengisi abagunyazwe yi-Audi South Africa kusukela ngomhlaka-16 April 2026 kuya phambili.

I-Audi South Africa, okuyingxenye ye-Volkswagen Group Africa, ithole iphutha elithinta ama-seat belt ezihlalweni zangaphambili.

Izimoto zesithathu okumele zibuyiselwe emuva ezingu-162 zohlobo lwe-Hyundai Santa Fe MX5 HEV ezathengiswa ezweni lonke ngabathengisi bakwa-Hyundai ngo-2025, nazo zinenkinga ethinta ithinta ama-seat belt ezihlalweni zangaphambili.

Ngokusho kwe-NCC, lokhu kungaphazamisa ukuma kahle kwe-seat belt kuphinde kubeke ukuphepha engozini.

“Abathengi abanalezi zimoto namaloli athintekayo banxuswa ukuba bahambise izimoto zabo kunoma yimuphi umthengisi ukuze zihlolwe futhi, kanti lapho kunesidingo, kwenziwe ushintsho ezindaweni ezinenkinga. Umsebenzi wokulungisa uzokwenzelwa abathengi mahhala.

Abathengi abanemibuzo mayelana nalesi simemezelo sokubuyiselwa emuva kwezimoto bangaxhumana ne-NCC ku-productrecall@thencc.org.za.”