Ngu: Alfred Ngubane |
Usakude ukuphela umdonsiswano phakathi koMkhambathi FC noMsinga United mayelana nombango wokuthi iliphi iqembu okumele limele iKZN emdlalweni kazwelonke ye-ABC Motsepe League play-offs. Lokhu kuza ngemuva kokuthi uMsinga uphinde wafaka isivimbelo sokuthi iqhubeke le midlalo okumele iqale ngoMsombululo.
Kuzokhumbuleka ukuthi bese kuphume isinqumo ebesithi uMkhambathi iwona okumele umele iKZN. USihlalo woMsinga United uWelcome Mpanza ethintwa ushaye ngamafuphi wathi induku yomfana ayimuwisi. Bekunogingqigongqo ngalolu daba emva kokuthi uMsinga United ufake isimangalo sokuthi uMkhambathi wasebenzisa abadlali abangabhalisiwe ngendlela efanele.
UMkhambathi FC ulinqobile lelicala wabe usugunyazwa ukuthi kube iwona ozoyomela isifundazwe saKwaZulu Natal emdlalweni kazwelonke ye ABC Motsepe League ezobanjelwa eMthatha. Kanjalo neDrakensberg United imangalele uMkhambathi FC ngecala elifanayo nelivulwe nguMsinga United.
Discover more from IBUNDA NEWS
Subscribe to get the latest posts sent to your email.
