Kukhethwe iTheku ukusingatha imidlalo yama-Olympic ka-2036

NgoLwesine, iNingizimu Afrika imemezele idolobha laseThekwini, elisogwini olusempumalanga, njengendawo ekhethiwe yokusingatha imidlalo yama-Olympic yokuqala e-Afrika.

INingizimu Afrika ifaka isicelo sokusingatha imidlalo yama-Summer Olympic kanye nama-Paralympic ka-2036 no-2040. IKomiti lama-Olympic loMhlaba (International Olympic Committee) izokhetha idolobha elizosingatha imidlalo ka-2036 phakathi nonyaka ka-2029.

Isinqumo sezwe sokukhetha iTheku—idolobha lesithathu ngobukhulu eNingizimu Afrika—simenyezelwe yibamba likamengameli wekomiti lama-Olympic laseNingizimu Afrika, uLwandile Simelane.

USimelane uthe iTheku lizoba yidolobha eliyinhloko ohlelweni lwesicelo saseNingizimu Afrika, kodwa kungenzeka kube yisicelo esibandakanya “amadolobha amaningana,” lapho eminye imicimbi ingase ibanjelwe kwamanye amadolobha.

Ngaphambilini, iDolobha iTheku lahlwithwa ilungelo lokusingatha imidlalo, i-Commonwealth Games.