Ngu: Alfred Ngubane |
UMkhambathi FC usufake isimangalo kumxazululi weSAFA ngomdlali abathi wasayinwa nguMsinga United ngendlela engafanele esuka kwiHighlands Academy.
UNtuthuko Mlaba ongomunye wabaphathi beqembu loMkhambathi FC uthe bayakuqinisekisa ukuthi basifakile isimangalo kwaSAFA namuhla ekuseni.UMlaba uthe bayasamukela isinqumo sikamxazululi othe kumele baphucwe amaphuzu amane.
Uthe abameli babo bayasicubungula isinqumo, wengeza ngokuthi bazolinda bona ukuze babatshele ukuthi kuzokwenzakalani. UMlaba kodwa uthe ngeke balale bengandlalelwe.
USihlalo woMsinga United uWelcome Mpanza ushaye ngamafuphi wathi bona bamsayina ngendlela efanelekile umdlali u-Aphelele Phalane. Lomdlali wayedlalela uMkhambathi ngaphambili wawushiya wase ejoyina walishaya wajoyina iHighlands Academy.
“Ngesikhathi simsayina wayephethe imvume yokuthi wagcina ukudlala kuMkhambathi FC hhayi kuHighlands Academy. Lo mdlali ubesadlala obhuqwini lapho kungekho khona ukwenziwa kwezimvume,” kusho uMpanza.
Uqhube wathi bahamba bambhalisa kwiSAFA ngendlela eqondile.”Kwakumele uSAFA ungayemukeli nhlobo imvume mangabe siphethe okungeyona ngoba wayemukela abayidingayo kuthina ngalo mdlali sikhululekile.
Kungukubambelela ngezidindi lokhu kodwa kuyimvelo yabantu nomdali ukubambelela ngezidindi okushiwo nguMkhambathi FC ngoba uyalazi iqiniso ngalo mdlali ukuthi kwenzakalani ngaye, ” kusho uMpanza.Uthe bona abahambisani nenkohlakalo.
Discover more from IBUNDA NEWS
Subscribe to get the latest posts sent to your email.
