Ngu: Alfred Ngubane |
I-Kaizer Chiefs icathamela isiqongqwane sesitobha seDurban City FC u-Emmanuel Jalai. U-OJ Jani oyimenenja yalomdlali uthi useke wathola ucingo luphuma komunye wabaphathi beKaizer Chiefs esho ukuthi lomdlali umdinga eNaturena ngenhloso yokuqinisa indawo yasemuva ngasohlangothini lwesokudla.
I-Kaizer Chiefs isanda kuphumela obala ngezindawo ezivuzayo ithi ifuna ukuzivala njengoba kuzoqala isizini entsha, phakathi kwalezo ndawo wuhlangothi lwesinxele elidlalwa ngu Bradley Cross ovuzayo noPaseka Mako olimala njalo nohlangothi lwesokudla oludlalwa nguThabiso Monyane no Dillon Solomon abalimala njalo.
“Ngabatshela ukuthi unenkontileka yeminyaka embili neDurban City FC ngakho njengamanje usagxile kuyona. Ngihlela ukuthi mangabe siphelelwa yinkontileka neDurban City kuzomele sithole iqembu phesheya kwezilwandle, mangabe singalitholi singayinika ithuba iKaizer Chiefs, ” kusho uJaniUJalai ushaye ingcwenga yebhola evimba abadlali bePirates emdlalweni weBetway Premiership League obubanjelwe e-Orlando Arena Stadium, lomdlali ugobe u-Aswin Appollis waze washintsha indawo wabalekela ngasohlangothini lwesobunxele, kwabuya uRelebohile Mofokeng naye wafika wamgoba.
Discover more from IBUNDA NEWS
Subscribe to get the latest posts sent to your email.
