Ngu: Alfred Ngubane |
UPhelelani Jay Jay Mpangase oyiphini lomqeqeshi woMsinga United uthi bazimisele ngokuyinqoba iMathemba Cup ukuze babhodle ngayo emva kokuhluleka ukunqoba iligi. Leli qembu lizodlala owamanqamu weMathemba Cup neSummerfield Dynamos kwaNgcedomhlophe eMandeni ngeSonto.
“Abadlali bethu bayaqonda ukuthi sidinga ukunqoba lenkomishi yeMathemba Cup ngenhloso yozithoba amanxeba ngemuva kokuluza ukunqoba League,” usho kanje. Uthe kulomdlalo abadlali bazofela enkundleni ngenhloso yokuthi bayidinga eMsinga le nkomishi. Ubonge abalandeli babo abahlala benaboi kukubi kukuhle.
Kubadlali ababhekiwe ukuthi basize uMsinga United ngoThabo Xaba ongumgadli ongalibheki ipali noshaye amagoli angu 17, uSiyanda Gologo Obomvu Sibiya, Nkosingiphile Tower Nzaca noNkululeko Mkhulise Miya.
Discover more from IBUNDA NEWS
Subscribe to get the latest posts sent to your email.
