Idili lamagoli angu 11 koweDowns neSiwelele

Ngu: Alfred Ngubane

Kubenedili lamagoli emdlalweni weMamelodi Sundowns neSiwelele nogcine uphele ngo 7-4 eLoftus Versfed Stadium ePitoli ngoMgqibelo. Abadlali abashaye amagoli ngoBryan Leon Muniz oshaye amagoli amathathu, uTashreeq Matthew oshaye amabili, uTeboho Mokoena nomkhonto ogwaze ekhaya kuNyiko Mobbie. UGhampani Lungu ushaye amagoli amathathu eSiwelele FC nelilodwa elishaywe ngu Relibogile Mokhuoane lomdlalo uphethe ngedili lamagoli angu 11 emdlalweni owodwa weBetway Premiership League .Komunye umdlalo, i-Orlando Pirates ibhambabule kabuhlungu iMagesi FC ngo 3-0 emdlalweni obusePeter Mokaba Stadium. Amagoli ezimnyama ashaywe ngo Patrick Tito Maswangayi, Kamogela Sebelebele no-Oswin Appollis. IPirates iqinisekisile ukuthi ishaya amagoli amathathu nokwenza ukuthi -iphinde ihambe phambili ngamagoli ewashayile kanti kuthatha ukunyukela kuMamelodi Sundowns njengoba basele ngegoli elilodwa kuPirates kodwa sebengenelwe ngamagoli angu 18 banamagoli abawashayile angu 55 emdlalweni engu 29 kusele umdlalo owodwa abazowudlala neTS Galaxy FC.IPirates yona isingenelwe ngamagoli angu 12 yashaya angu 56 nokwenza kube namathuba amaningi ukuthi -inqobe lesicoco seBetway Premiership League izodlala imidlalo embili ne Durban City FC ekhaya ne-Orbit College ekuhambeni.Abaqeqeshi baphawulile ngemuva kwemidlalo. Umqeqeshi wePirates u-Abdeslami Ouaddou uthi abafana bakhe badlale kahle kakhulu. UMiguel Cardoso uthe kunzima kulesizini ukuvikela isicoco seBetway Premiership League akufani nangesizini edlule lapho bashesha bawuqeda umsebenzi.U-Ouaddou uphinde wabongela isikimu sabo esincane ngokuba ngompetha be-diski challenge.IBucs encane ishaye iDowns encane ngo 2-0, yabe isiqubula indebe.