Umqeqeshi wePanama, uThomas Christiansen, uncome kakhulu abadlali abaningi beBafana Bafana ngemuva komdlalo wabo wobungani wesibili, ekhipha uRelebohile Mofokeng we-Orlando Pirates, njengohamba phambili eqenjini.
“UMofokeng ungumdlali osezingeni eliphezulu. Angenza umehluko. Uyashesha, unekhono lobuchwepheshe, futhi unamandla kakhulu. Unombono omuhle. Unikeza amaphasi amahle futhi njengomdlali osemncane, ubaluleke kakhulu kwikusasa leqembu.” Umqeqeshi wePanama, uThomas Christiansen, echoma uphaphe legwalagwala abadlali abaningi beBafana Bafana, kodwa wabeka isihlabani se-Orlando Pirates uRelebohile Mofokeng ngokumncoma okukhethekile.
IBafana isonge imidlalo yobungani bedlala nePanama ngokuhlulwa ngo 2-1 obekungokokuqala ukuhlulwa ekhaya ngaphansi kukaHugo Broos selokhu athatha izintambo ngoMeyi 2021.
Discover more from IBUNDA NEWS
Subscribe to get the latest posts sent to your email.
