Imibuzo ngokushiywa komgadli osezingeni weBanyana kwelesizwe

Umgadli weBanyana Banyana uThembi Kgatlana uphinde wasala eqenjini elizodlala umdlalo wobungani neqembu lesizwe lase-Algeria.

Ukusala kwakhe ngaphandle kushiye imbuzo emningi ngalo mgadli ohamba phambili eNingizimu Africa ebholeni labesifazane.

Kuzokhumbuleka ukuthi akuqali ukuthi uKgatlana asele ngaphandle eqenjini lesizwe lakuleli iBanyana Banyana, njengoba wasesalile emqhudelwaneni weCAF Africa Cup of Nations eMorocco.

Umqeqeshi weBanyana Banyana uDesiree Ellis akaphumelanga obala ngoKgatlana ukuthi kungani engambizanga.

Abanye basola ukuthi ukushiywa kwakhe kuhlobene nomsindo owaba khona mayelana nodaba lwamabhonasi lwangaphambilini.

IBanyana izodlala umdlalo wobungani neqembu lesizwe lase-Algeria eThekwini  ngomhlaka 15 no 17 April enkundleni engakadalulwa .

Leliqembu lesizwe lakuleli lizilungiselela imidlalo yeCAF Women’s Africa Cup of Nations neWorld Cup ezoba ngonyaka ozayo.