URelibohile Mofokeng ushaye amagoli amathathu emdlalweni owodwa weBetway Premiership League ngesikhathi i-Orlando Pirates ilobola iTS Galaxy FC ngo 6-0 eMbombela Stadium.
UMofokeng ubeqala ukushaya amagoli amathathu kuPirates selokhu aqala ukudlala ibhola elikhokhelwayo kwiPSL.
Ephawula ngemuva komdlalo uthe ubehlale njalo efisa ukushaya amagoli amathathu emdlalweni owodwa kanti ngenhlanhla kuzokwenzeka.
UMofokeng ujoyine umgadli weGolden Arrows uJunior Dion ngokushaya amagoli amathathu emdlalweni owodwa weBetway Premiership League.
Lomdlali uphinde waqokwa ukuba ngumdlali ovele nokumenze wahlanganisa isibalo semidlalo emhlanu yePSL eqokwa njengo mdlali ovelele.
UMofokeng ungomunye wabadlali abancane abanekhono elisimangaliso ebholeni lakuleli selokhu aqala ukudlala eqenjini lePirates ugila izimanga.
Nakuba uMofokeng engakabinayo inhlanhla yokuthola amadlelo aluhlaza phesheya kwezilwandle kodwa iqembu lakhe uyalisiza ngokuhlohla amagoli amqoka emdlalweni ebalulekile.
Lo mdlali uqokiwe naseqenjini lesizwe lakuleli iBafana Bafana ezodlala umdlalo wesihle nePanama eMoses Mabhida Stadium eThekwini ngomhlaka 27 March.
Discover more from IBUNDA NEWS
Subscribe to get the latest posts sent to your email.
