UMabedi unxusa iChiefs isayine isitobha saseMalawi

Ngu: Mduduzi Mbangayiya

UPatrick Mabedi owayengukaputeni weMalawi neKaizer Chiefs unxenxa abaphathi beMpofana ukuba bisayine umdlali wasemuva waseMalawi uGomezgani Chirwa.

UChirwa okwamanje ugijima kwiNgezi Plutinum Stars.

Ngokusho kukaMabedi uthi lomdlali uyakwazi ukukhomoza udonga lasemuva ngendlela ehlelekile.

Umthombo osondelene naleli qembu leKaizer Chiefs uthi sebembonile lomdlali futhi bachazekile ngendlela adlala ngayo.

Babona ukuthi nguyena lomdlali abamdingayo odongeni lasemuva leKaizer Chiefs nolushoda ngomdlali okwazi ukukhomoza ubonda lasemuva.

IKaizer Chiefs idlala phakathi nendawo emuva ngabadlali abanjengo Zitha Kwinika, Gavin Msimango, Inacia Miguel, Eden McCarthy obeye adlale kwesobunxele isandla.

Leliqembu lamakhosi linesikhathi eside lagcina ukuthola umdlali oyisiqongqwane ngemuva kokuthatha umhlalaphansi kukaMabedi, belokhu beshintsha abadlali abangenalo uhlonzo nobekudala ukuthi lingenelwe ngamagoli aminingi.

Ngenxa yokuvuza kobonda lasemuva elinamaphutha angabekezeleki, sekuyisikhathi sokuthi iChiefs ithole umdlali ozokhuthaza ubonda lasemuva.

About The Author

Mduduzi Mbangayiya

See author's posts