U-Farouk Khan, owayengumqeqeshi weKaizer Chiefs, uthi ubona iMamelodi Sundowns FC izoyinqoba iCAF Champions league ngemuva kokubhaxabula kabuhlungu iStade Malien Bamako ngo 3-0.
Uthi ukukhuphula izinga kweMamelodi Sundowns FC ngaphansi komqeqeshi uMiguel Cardoso kube yisizathu esenza ukuthi iDowns ibe imfivilithi yakhe. “Leli qembu lasePitoli lishaya kwasani olumi phambi kwalo njengoba liphokophele phambili ekunqobeni iCAF Champions league.
“IMamelodi Sundowns FC igaqele ukuqoka iBetway Premiership League neCAF Champions league, ngakho-ke ngithi iSundowns izokwenza umlando.” kusho uKhan.
UCardoso uthe abadlali bakhe bayaqonda ukuthi kumele banqobe lezindebe zombili ngaphandle kongabazane, ngoba abaphathi beqembu badinga iqembu livikele iBetway Premiership League, liphinde linqobe neCAF Champions league.
“Abadlali bayaqonda ukuthi kumele banqobe lezindebe zombili, ngoba abaphathi beqembu badinga iqembu livikele iBetway Premiership League, linqobe neCAF Champions league,” kusho uCardoso.
Uthe basebenza kanzima ukuze bathole impumelelo.
Discover more from IBUNDA NEWS
Subscribe to get the latest posts sent to your email.
