IMK iyaqhubeka nokupheka ithulula ebuholini

Ngu: Sidlabehlezi Gumede

I-MK party isiqoke ilungu layo lePhalamende kuzwelonke uSibonelo Nomvalo njengoNobhala-jikelele wayo. UNomvalo ozakhele igama ngokubuza imibuzo eqinile kwi-ad hoc committee elalele izinsolo zenkohlakalo eyenzeka emaphoyiseni ombutho weSAPS ungena kulesi sikhundla ebesiphethwe uDkt Bongani Mncwango. Okwamanje akucaci ukuthi uMncwango uzothunywa kusiphi isikhundla.

UNomvalo umenyezelwe esithangamini sabezindaba ebesiseThekwini ngoLwesine. IMK party edume ngokupheka ithulule isibe nenqwaba yoNobhala-jikelele kusukela yasungulwa ngowayenguMengameli wakuleli uJacob Zuma. Phakathi kwabake baqhoqhobala lesi sikhundla singabala u-Arthur Zwane noFloyd Shivambu.
UShivambu usalishiya iqembu wasungula elakhe i-Afrika Mayibuye. UZwane akucaci ukuthi usalibangisaphi. Kanti leli qembu futhi lisanda kuphambana nowayeyisekela likamengameli uJohn Hlophe.