Usihlalo weqembu lebhola elizinze eFree State iMathaithai FC, uSipho Gxilisha ukhale ngokunswinywa kweqembu lakhe ngezimali iSAFA nokuholele ekutheni alihoxise kwi-ABC Motsepe league.
Ekhuluma ohlelweni kwiRadio2000, uGxilisha uveze ukuthi sekuphele iminyaka engaphezu kweyisithupha engayitholi imali yoxhaso kwiSAFA.
Uthi lokhu kwenza kube nzima ukunakekela abadlali nabasebenzi, futhi kube nzima ukuqhubeka nokusekela iqembu.
UGxilisha uthe izikhulu ze-SAFA azisikhathaleli isimo samaqembu, wazichaza njengabantu abangavuthiwe.
Uphinde wagxeka ukuthi amaqembu aphoqeleka ukuthengisa amalungelo awo wokudlala ezigabeni ezithile ngenxa yokuthi izikhulu ze-SAFA azisikhathaleli isimo sawo.
UGxilisha uthe usezame zonke izindlela zokuxazulula inkinga, ngisho nokuxwayisa uNgqongqoshe Wezemidlalo, kodwa akukho okulungayo.
Uphinde wakhumbula ukuthi ngesikhathi iqembu lakhe linqoba ukukhushulelwa kwi-ABC league, bathola indebe kuphela futhi akukho okunye abakuzuzayo.
Discover more from IBUNDA NEWS
Subscribe to get the latest posts sent to your email.
