UCardoso ufuna ukushiya umsizilo ebholeni lakuleli

Ngu: Mduduzi Mbangayiya

Umqeqeshi weMamelodi Sundowns uMiguel Cardoso uzibophezele ekushiyeni umaka ebholeni lakuleli.

“Kumele sishiye umsizilo. Eminyakeni engu-50, abantu abambalwa bazosikhumbula, eminyakeni engu-100, akekho ozosikhumbula,” kusho uCardoso kwabezindaba ngemuva kokuwina kwakhe kuSuthu.

IDowns ibhuquzise AmaZulu ngo-2-0 yabe isinyukela esicongweni seBetway Premiership igudluza i-Orlando Pirates ebisafudumeza isihlalo.

UCardoso ubuze ukuthi kungani abantu bekhathazeka ngezinto ezingabalulekile.

“Sikhuluma kakhulu ngokuqhubeka ngaphakathi eqenjini lethu. Angifuni abadlali bami bangikhumbule njengo mqeqeshi nje. Ngifuna baqonde ukuthi ngangingumuntu.”

“INingizimu Afrika kumele iqonde ukuthi uMiguel uyindoda enhle ngempela efuna ukwenza okusemandleni ayo, hhayi ukumataniswa nezinto ezimbi.”