Ngu: Sidlabehlezi Gumede
INkantolo yeSifunda eNtuzuma igwebe amadoda amabili uSthembele Nongqakanga (27) noJan Sinqina (21) udilikajele ngecala lokubulala uLebohang Mabuya owayeneminyaka ewu-23.
Ngo-28 May 2024, abamangalelwa babehamba emgwaqeni bahlangana nomufi. Kwaba nengxabano phakathi kwabo, bambulala bamshiya eduze komgwaqo babaleka.
Abamangalewa bahlambuluka kubantu thizeni abagcine bengofakazi enkantolo. Omunye walaba abaxoxelwa wabikela umndeni kamufi kwabikelwa amaphoyisa kwahlonzwa ababulali baboshwa.
UMshushisi uBusisiwe Mncwango ubize ofakazi abaxoxelwa abamangalewa ngesigameko kwabizwa nodokotela owahlola isidumbu. Ngaphezu kwesigwebo inkantolo ithe abamangalelwa abafanelwe wukuphatha isibhamu. I-National Prosecuting Authority inethemba lokuthi lomphumela uzothumela umyalezo wokuthi ubugebengu ngeke bubekezelelwe. Lo mphumela uphinde ugcizelele ukuzimisela kwe-NPA ukulwela abagilwa bathole ubulungiswa.
Discover more from IBUNDA NEWS
Subscribe to get the latest posts sent to your email.
