Ngu: Mduduzi Mbangayiya
Iqembu lebhola i-Maghreb Association Sportive de Fès (MAS Fes) lidla ubhedu kuligi yeBotola Pro, likhombisa intuthuko ephawulekayo nokuzinza kusukela kufike umqeqeqeshi uPablo Franco Martín, owaziwa ngomsebenzi wakhe omuhle ngesikhathi esakwaMazulu. Iqembu okwamanje lihamba phambili kuligi, liqoqe amaphuzu athinta amehlo kulo lonke uhambo lwalo.
Ngokwezibalo zakamuva, i-MAS Fes isidlale imidlalo engu-11, yaqoqa inani lamaphuzu angu-23. Lokhu kusebenza kahle kubonakala nasenambeni yamagoli ashayiwe nangena, iqembu selishaye amagoli angu-17 futhi lingene amagoli angu-5 kuphela, okukhombisa ukuzivikela okuqinile nokuhlasela okubukhali.
Ukufika kukaPablo Franco Martín, umqeqeqeshi waseSpain owaduma eNingizimu Afrika ngesikhathi eqeqesha iMaZulu, kubonakale kuletha uguquko olukhulu eqenjini. Ngaphansi kobuholi bakhe, i-MAS Fes isiphenduke iqembu elihlelwe kahle, elisebenza ngempumelelo futhi elinzima ukulihlula. Umqeqeshi ubonakala ekwazile ukuhlanganisa abadlali nokufaka ifilosofi yakhe yokudlala, okukhiqize imiphumela emihle kakhulu.
“Selokhu kwafika uPablo Franco Martín, uguquko luyacaca,” kusho uMicky Junior oyintatheli yaseGhana ekhuluma neBunda News. “Iqembu lihlelwe kahle, lisebenza ngempumelelo futhi linzima ukulihlula. Lokhu kukhombisa ukuthi izakhiwo zokuwina isicoco sekhombisa eFes.”
Njengoba isizini iqhubeka, abalandeli be-MAS Fes banethemba elikhulu lokuthi iqembu labo lingaphinde liphakamise isicoco seligi. Ukusebenza kwabo kwamanje kubeka iqembu endaweni eqinile yokuncintisana ngesicoco seBotola Pro, okungaba impumelelo enkulu kubo nabalandeli babo abathembekile, futhi kuqinisekise indawo kaMartín njengomqeqeshi onesandla esiqhakazile.
Discover more from IBUNDA NEWS
Subscribe to get the latest posts sent to your email.
