Ngu: Mduduzi Mbangayiya
Umdlali odumile waseNingizimu Afrika, uMohau Nkota, ushiyiwe ngaphandle kwesikwati somdlalo okwesibili kulandelana kuSaudi Pro League, okuyisinqumo esinqunywe ngumqeqeshi uSaad Al-Shehri.
Lesi simo sizobeka ingcindezi enkulu kulo mdlali weBafana Bafana, njengoba engeke akwazi ukujoyina umdlalo we-Al Ettifaq ne-Al Fateh.
Umqeqeshi u-Al-Shehri uveze ngaphambi komdlalo ukuthi ubhekene nokukhetha phakathi kukaNkota, umdlali wasezimpondweni, kanye nomdlali waseSerbia ongaphansi kweminyaka engu-21, uMatija Gluščević (winger).
Ekugcineni, umqeqeshi ukhethe uGluščević, ozobe esebhentshini emdlalweni.
Lesi akusona isikhathi sokuqala uNkota ehlangabezana nobunzima selokhu ebuyele eSaudi Arabia ngemuva komngcwabo kagogo wakhe.
Lo mdlali usephuthelwe yimidlalo emibili yePro League ngenxa yezizathu ezingacacile, okudala imibuzo ngekusasa lakhe eqenjini.
Umdlalo obalulekile phakathi kwe-Al Ettifaq ne-Al Fateh uphele nge-Al Ettifaq inqoba ngo 2-0. Ukungabikho kukaNkota emidlalweni ebalulekile kungadala izinkinga eqenjini, ikakhulukazi uma kuqhubeka, njengoba abalandeli belindele ukuthi abadlali abafana naye babambe iqhaza elikhulu.
Discover more from IBUNDA NEWS
Subscribe to get the latest posts sent to your email.
