UNtombifuthi Mchichwa Khumalo ongumqeqeshi we Dendale Technical High Schools ukhala ngokunganakwa ngabaphethe phezulu ezihlalweni zebhola. UNtombifuthi Khumalo usemkantshu ubomvu ekuqeqesheni njengoba waqala ukuqeqesha iqembu le Maritzburg City FC ngaphambi ukukhuphula iDurban Ledies esigabeni esikhokhelwayo.
Ukhulume neLisenethini ngemuva kokunqoba iCaf Schools championship ezweni lase Tanzania uthe usenqobe iCosafa Schools Championship ezweni lase Malawi amahlandla amabili waphinda wanqoba iCaf Schools championship. Useke waba ngumsizi womqeqeshi eqenjini lesizwe amantombazane aneminyaka engu 17. leliqembu lamantombazane aneminyaka engu 17 selike lanqoba iCosafa Cup naye ekhona.
UNtombifuthi Khumalo kumanje ungumqeqeshi we Dendale Technical High Schools eMgungundlovu. Ungomunye wabaqeqeshi abathole izigqu zokuqeqesha ze CAf license. Khona manjalo u Mchichwa okuyisiteketiso sakhe uthi kumhlaba umxwele ukusebenza namantombazane amancane ngoba ayalalela kahle.
Discover more from IBUNDA NEWS
Subscribe to get the latest posts sent to your email.
