Umqeqeshi weMamelodi Sundowns uRhulani Mokwena noSead Ramovic weTS Galaxy bake baba sempini yamagama kusukela ngo-Okthoba 2023 lapho lamaqembu edlala kuMTN8 yaqhubeka yaze yadlulela kowandulela owamanqamu. Lo mdlalo uphele kumuncu, uBernard Parker ebhodloke kabili kulandela ukudlala budedengu kukaBongani Zungu.
Ngo-Ephreli 29, iSundowns ibambe iGalaxy okokuqala kule sizini kuPremier Soccer League, umdlalo aMasandawana awunqobe ngo 3-0. Nokho, u-Orebotse Mongae uthole imiyalelo yakhe yokumasha ngemuva kokuphonselwa inselelo kanzima noBongani Zungu. Ngemuva komdlalo, uMokwens kuthiwa uMongae uthunywe nguRamovic ukuthi azophindisela ngokulimala kukaParker, izinsolo eziphikwe yilo mdlali waseSerbia.
Lezingxabano ziphinde zanikeza uMokwena isinqumo sokuthi anikeze ubufakazi obuhambisana nezinsolo zakhe noma abhekane nomthetho. Umqeqeshi weGalaxy usecele uMokwena ukuthi abe “ngumuntu olungile kakhulu” egcizelela ukuthi lomqeqeshi oneminyaka engu-37 ubudala uzoziphendulela kuNkulunkulu.
“Uma umuntu eqamba amanga, kuzokwenzekani? Cabanga nje ukuthi umdlali wethu useke wasongelwa ngabanye abalandeli,” kusho lomqeqeshi, ona-45, esitatimendeni. “Cabanga nje awukwazi ukukhuluma kanjena njengomqeqeshi. Ngicabanga ukuthi kuphansi kakhulu njengoba ngishilo kodwa ‘uMr. Sunshine’ wethu kumele azi ukuthi wenzani kodwa uzobona bafana ukuthi indaba yokuzenzela akukuhle.
“Yilokhu esingakuthandi ngoba futhi ngokubona kwami into ebaluleke kakhulu ukuba umuntu omuhle kakhulu. Angakwazi ukunqoba izicoco eziningi ngendlela afuna ngayo futhi ngimfisela okuhle kodwa ohlangothini lwami,” enezela.
“Kufanele anqobe iChampions League, angawina izicoco eziningi, angaba umqeqeshi ongcono kakhulu emhlabeni, akunankinga. “Angicabangi ukuthi uzobuza ngeziqu zakho, angicabangi ukuthi uzobuza ngokunye. Uzobuza ukuthi ‘wawumuhle kanjani njengomuntu’ futhi lokhu kuyinto ebaluleke kakhulu ngokubona kwami, “Kuphetha uRamovic.
Kuyathakazelisa ukubona ukuthi uMokwena uzobunikeza yini ubufakazi ngezinsolo zakhe zakamuva noma uzobhekana nomthetho uma iGalaxy imangalela uchwepheshe njengoba kushiwo. La maqembu azophinde ahlangane ngoMeyi 21 emzuliswaneni wesibili wePSL eMbombela Stadium.
Discover more from IBUNDA NEWS
Subscribe to get the latest posts sent to your email.
