“IStellenbosch izonenebula iMamelodi Sundowns kuNedbank Cup” kusho inkakha yeKaizer Chiefs

Lowo owayengumdlali weKaizer Chiefs, uStanton Fredericks, usecebise iStellenbosch FC ukuthi izofinyelela kowamanqamu weNedbank Cup. IStellenbosch izibekisele indawo kowandulela owamanqamu walo mqhudelwano ngemuva kokuqumba phansi iSuperSport United ngo 4-0 ngenyanga edlule.

UFredericks, ongumhlaziyi kamabonakude weSuperSport, uqunge isibindi waqoka ezikaSteve Barker phezu kwaMasandawana ahlohlwe ngamafutha njengentandokazi ngaphambi komdlalo. “I-semi-final yesibili, lena inkulu, kuyamangaza ukuthi ibhola limiswe kanjani lapha,” kusho uFredericks.

“Izinga ebelilethwa yiStellenbosch, izinga iSundowns ebilokhu iqhubeka nalo kule minyaka embalwa edlule. “Kodwa-ke, ngiyacabanga ngohlelo, sengidlale ngoMsombuluko. Ngicabanga ukuthi, empeleni, iChampions League ngoLwesihlanu ngaphambi kwalokho, edlalwe ngoMsombuluko, babe nomdlalo neKaizer Chiefs, futhi badlala ngeSonto,” engeza.

“Ngenxa yalokho, ngizokusho, futhi ngizokusho ngesibindi lokhu engikucabangayo, iStellenbosch iphuma ekushayeni amagoli amaningi, ukudlala ibhola elihle, ukuba nerekhodi lokungahlulwa, nokuba nezisombululo ezivela ebhentshini, ngiyakwenza. ngicabanga ukuthi iStellenbosch izothatha lena futhi izozibona kowamanqamu.”

UFredericks ubona iPirates neStellenbosch beshayana kowamanqamu. “Isibalo samagoli ekade ishaywa yiPirates sisemidlalweni embalwa edlule, kuyamangaza,” usho kanje.

“Emdlalweni odlule benze izinguquko ezimbalwa, eziyisithupha, kodwa bakwazile ukunqoba iCape Town City ekuhambeni eKapa. “Ngakho-ke, ngicabanga ukuthi iPirates, kimina iyona esezingeni eliphezulu. Bayazethemba nabaphathi bamanje,” kuqhuba owayengumdlali weBucs.

“NeChippa United ihlulwe imidlalo yayo emibili edlule ngemuva kokudlulela phambili. Ngicabanga ukuthi bazoza kulokhu ngokukhulu ukucophelela, futhi ngicabanga ukuthi iPirates izoba namandla.”