Abadlali abanganawo umsebenzi kuPSL bazama inhlanhla kuMaritzburg United edlala ku Motsepe Foundation League. Amagama akhona kulabadlali kukhona uPhumlani Ntshangase oke wabangukaputeni wayo iMaritzburg United, kube khona uMthokozisi Dube oke wayibamba ku Orlando Pirates, Golden Arrows kanye noNkanyiso Madonsela. Kuzokhumbuleka ukuthi leliqembu le Maritzburg United lisanda kusayina uPitso Dladla njengesekela likaSimo Dladla.
UPitso Dladla useke wayibamba ku Thongathi FC, Richard Bay FC, Marumo Gallants kanti lomqeqeshi ungene ezicathulweni zika Zipho Dlangamandla owamxoshwa ngenxa yemphumela engemihle. IBUNDA IZINDABA likhulume noSihlalo we Maritzburg United Farouk Kadodia, ngalabadlali abazama inhlanhla emaqenjini lakhe. “Bakhona abadlali abazama inhlanhla, kodwa akekho esesimthathile kumanje. Iqiniso siyabadinga abadlali abanesipiliyoni njengoba silwela ukubuyela ku Dstv Premiership. Uma kukhona esibatholayo siyomemezela” kuqhuba uKadodia.
Discover more from IBUNDA NEWS
Subscribe to get the latest posts sent to your email.
