Ukuhlangana noConstable abasha esifundeni saseMzinyathi kube nemiphumela emihle kakhulu, njengoba kungashiyi lutho mayelana nokusebenza. Owesilisa oneminyaka engu-33 ongowokufika uboshelwe ukutholakala nezibhamu nezinhlamvu ezingekho emthethweni. Amalungu e-SAPS aseNhlanhleni okuhlanganisa noConstable abeshesha emgwaqeni u-R33 Dundee/Greytown, ngesikhathi kumiswa imoto eyi-double cab yaseshwa noyedwa obekuyo. Okuthe ngesikhathi kuseshwa kwatholakala izibhamu ezimbili ezinezinhlamvu, umshayeli ongowokufika kuleli uboshelwe ukutholakala nezibhamu nezinhlamvu ezingekho emthethweni.
Kwesinye isigameko, endaweni yaseNtunjambili ngaphansi kwesikhungo samaphoyisa saseKranskop, amaphoyisa asukumele phezulu ngemuva kokuthola imininingwane ngothile obehlupha okuthiwa ubephethe isibhamu esingekho emthethweni. Ngesikhathi kubhekwa kutholakale isibhamu esisodwa kumsolwa. Ube eseboshelwa ukutholakala nesibhamu esingekho emthethweni waboshwa esiteshini samaphoyisa saseKranskop. Abasolwa bazovela enkantolo yeMantshi yaseMsinga naseKranskop ngoMsombuluko lapho bevela okokuqala. Ngeminingwane noma imibuzo ungaxhumana noConstable Siyabonga Nkwanyana 0785844697/0795001354.
About The Author
Discover more from IBUNDA NEWS
Subscribe to get the latest posts sent to your email.
