Khune ugeze igama lakhe kowe Carling Black label Knockout Cup

Kugqhame u-Itumeleng Khune emdlalweni weCarling Black label Knockout Cup ePeter Mokaba Stadium. UKhune ubevimba ngisho impukane emapalini All Stars, uKhune usamisiwe yiqembu lakhe iKaizer Chiefs ngenxa yokumthola ephuzile izinkamba zika Faro. Abalandeli abamvotele abazisoli nakancane njengoba ebageze izinhliziyo zabo ngomsebenzi omuhle awenzile emapalini All Stars. Abafana be-Stellenbosh FC bakhombise umdlalo uqala ukuthi bafuna ukunqoba lendebe yeCarling Black label Knockout Cup, njengoba kade behlanganisa amaphasisi asheshayo kudideke ubonda lase muva ku-All Stars, kodwa Khune afike ayihlakaze yonke leyomnyakazo.

Khona manjalo umgadli osemncane we Stellenbosh FC, u-Anthony Van Wyk uke wathola ithuba elihle lokubeka phambili iqembu lakhe, kodwa uKhune wamphazamisa ekubeni kade udonga lase muva seludidekile. Iqembu le All Stars lithole i-Free kick yathathwa ngumdlali we Kaizer Chiefs osemncane uMfundo Orbigado Vilakazi wayibeka phakathi ngobukhulu ubunyonicwi. I-All Stars iphinde yabuya ngamandla njengoba kuqhamuke u-Ashley Du Preez ethwele amadoda ngapha nangapha esuka nawo enkabeni yenkundla, bamhlaba walala phansi kanjalo.

Unompempe obephethe lomdlalo uThando Ndzandzeka akanananzanga njengoba uyikhombe emlotheni, wavuka wayishaya Ashley Du Preez wayibeka phakathi ngomzuzu ka-13 umdlalo uqalile. Abafana beStellenbosh FC bazamile ukubuya bathola ukuthi kuvaliwe emuva. Kuthe ngesiwombe sesibili baphinde bahlasela kakhulu, uKhune uke wenza iphutha ngesikhathi ekhahlela ibhola lawela kumdlali we Stellenbosh FC Andrew De Jong engekho emapalini kodwa laphuma kancane phezulu kwamapali. Ngasemaphethelweni omdlalo iStellenbosh FC silitholile igoli lomthoba nhliziyo elivalelwe ngumgadli waleliqembu Mervin Boji. Lomdlalo uphele ngamagoli 2-1 kanti kulomdlalo kubonakale kugqhama kwabadlali be Kaizer Chiefs abangajwayele ukudlala ngaphandle Ashley Du Preez obuya ekulimaleni. UKhune abalandeli bamvotele waba ngumdlali ovelele, wahamba nesamba semali engu R100000, leliqembu le All Stars lihlomule ngesamba sika 2 million abazowuhlukaniselana kwathi iStellenbosh FC sona sithole umthoba nhliziyo ka 1 million.