Kuboshwe abasolwa abayisithupha nempahla yokwebiwa

UkuSebenza KweSikhathi Samaholide Esiphephile okuqhubekayo sekuphinde kwaveza imiphumela emihle ngesikhathi kuboshwa abasolwa abayisithupha mayelana nezigameko zokuphanga kuhlonyiwe eDundee ngoLwesihlanu, zingama-29 kuZibandlela wezi-2023.

Uphiko lwe-Glencoe K9 Unit, ngokubambisana nethimba lesifunda saseMzinyathi High Density Team benze ezobunhloli ngabasolwa ababehlela ukugebenga behlomile. Abasolwa bebegcwele ubuhlakani kanti amaphoyisa abafice bematasatasa behlela izigebengu zabo emzini oseForrestdale, eDundee.

Abasolwa batholwe nezibhamu ezinhlanu nezinhlamvu eziningi. Izibhamu ezimbili kulezi ezitholakele zitholwe ziyizibhamu eziyifani (isibhamu esingenalutho kanye negesi). Baphinde batholakala nezidakamizwa okusolakala ukuthi zebiwe kanti uphenyo lokuqala luveze ukuthi abasolwa yibo ababegebenga indawo yokucima ukoma eDundee ezinsukwini ezimbili ngaphambi kokuba baboshwe.

Abasolwa bayamataniswa nesigameko sokugqekezwa kwesitolo sezingubo kule ndawo, kulandela ukutholwa kwempahla okusolwa ukuthi yebiwe emzini abebekuwo. Abasolwa abayisithupha abaneminyaka ephakathi kuka-23 no-42 bazovela enkantolo maduze ngamacala okutholakala nezibhamu nezinhlamvu okungekho emthethweni kanye nokutholakala nempahla okusolakala ukuthi yebiwe.

Ngiminingwane nemibuzo:
Colonel Robert Netshiunda
0825697629