USihlalo weqembu usolwa ngokuthethisa umqeqeshi ngokumshintsa esadlala

Uphenduke ihlazo umdlalo wokuqala kaSihlalo u-Andile Mpisane kuDStv Premiership ngesikhathi bebhekene neqembu AmaZulu FC. U-Andile Mpisane ubesemanzini ashisayo kulandela umdlalo wakhe wokuqala ngqa kuDStv Premiership. IRoyal Am ibibhekene naMaZulu ihlulwe ngendlela ehlazo eMoses Mabhida Stadium. Umqeqeshi weRoyal AM wagxekwa, futhi wavikela ukukhetha kwakhe phakathi nokuhlehla.

Umqeqeshi weRoyal AM John Maduka usiqinisekisile isinqumo sokudedela u-Andile Mpisane adlale emdlalweni webhola osemthethweni. I-Royal AM ilahlekelwe ngo-3 – 0 emizuzwini yokuqala engama-30. Umqeqeshi weRoyal AM uthe akazisoli ngokudedela u-Andile enkundleni uthe bajabule ngokuthola ithuba lokudlala kuka-Andile.

Buka ividiyo eyabiwe yi-Goal.com ku-X yomqeqeshi ekhuluma ngo-Andile:

Maduka Breaks It Down! 🎙️💬 Maduka reflects on Andile Mpisane's performance & Royal AM's season with zero signings! 🔍👊#GSAVideo pic.twitter.com/dtbrUfxY1K

— GOAL South Africa (@GOALcomSA) December 30, 2023

Abantu abaningi basole u-Andile ngalokhu kulahlekelwa ngamapoyinti. Abasebenzisa i-internet bagxeke lo mqeqeshi ngesinqumo sakhe bethi u-Andile akakhethwanga ngenxa yokufaneleka kodwa ngenxa yomndeni wakhe kanye nokuthi ungumnikazi walekilabhu yebhola. U-@Llunga18 uthe: “Ijezi elingunombolo 10 alinikwa noma yimuphi umdlali. Kumele ulisebenzele kanzima enkundleni. inkomo efana no-Andile Mpisane ayilifanele.”

Kubukeka sengathi u-Andile Mpisane uthethise umqeqeshi weRoyal AM ngokumshintsha kanti naphambilini uMpisane ukewathrenda ngenxa yezizathu ezingalungile ezinkundleni zokuxhumana. Abasebenzisi benkundla yezokuxhumana bahudule lom-rapper, oyisihlabani se-TV kanye nosihlalo we-Royal AM. Abantu abaningi bababiza lesi sihlabani sebhola ngokukhuluphala ngokweqile ukuba wumdlali webhola nokuthi udinga ukusebenza ngomzimba wakhe uma efuna ukuqhubeka nokudlala ibhola elikhokhelayo.

I-video ezungeza ezinkundleni zokuxhumana ikhombisa ngesikhathi lesi sihlabani sibonakala sishubisela umqeqeshi uKhabo Zondo. Abaningi babona sengathi u-Andile ubemkhuza ngokumfaka esikhundleni sakhe.