Iphinde yaqhwakela kuGroup A iSundowns

IMamelodi Sundowns isisondele esigabeni somkhumulajezi seCAF Champions League ngemuva kokukhipha ama-Pyramids lokhu osekuyenze yaphinde yaqhwakela kuGroup A ngokushaya iqembu laseCairo. UTeboho Mokoena ushaye into ecokeme yegoli elinikeza iMamelodi Sundowns inzuzo enkulu emkhankasweni wayo wokudlulela kuma-quarterfinal eCaf Champions League ngesikhathi ihlula iPyramids FC ngo 1-0 e-30 June Stadium, eCairo.

Lokhu kuwina kubeka amaBrazilians esicongweni kuGroup A ngeminye imidlalo emibili ezayo ekuhambeni neqembu laseMauritania i-FC Nouadhibou ngoFebhuwari nasekhaya neTP Mazembe yaseDemocratic Republic of Congo ngoMashi. AmaBrazilians abekudinga ukunqoba ngoLwesibili. Ukuhlulwa kwabo ngo 1-0 ekuhambeni neMazembe nokudlala ngokulingana ekhaya nePyramids ezimpelasonto ezimbili ezedlule kushiye wonke amaqembu akuGroup A ngamaphuzu amane neDowns kude nendawo ekahle. Ukunqoba ekuhambeni e-Egypt kuqinise amathemba amaBrazilians futhi.

Following their 1-0 #CAFCL win over @pyramidsfc in Cairo, I asked @Masandawana’s @coach_rulani if he decided to play a cautious game in order to hold onto the lead. This is what he had to say, after giving his players a pat on the back.. pic.twitter.com/w6lMs1fAw2
— Osasu Obayiuwana (@osasuo) December 19, 2023