Idale umonakalo omkhulu imvula eDundee

Imvula enkulu eDundee idale omkhulu omonakalo, yashiya kukhalwa kubantu bangaphezu kuka kwenkulungwane. UMnyango wezokuBusa ngokuBambisana KwaZulu-Natal uthe izimvula ezinamandla zangoMsombuluko ebusuku zihlasele endaweni yaseDundee imizuzu engu-45 zinganqamuki, kwadala umonakalo omkhulu.

Isimo sezulu esibi sishiye abanye abantu baKwaZulu-Natal (KZN) dengwane endaweni yaseDundee, enyakatho yesifundazwe. UMnyango wezokuBusa ngokuBambisana esifundazweni uthe izimvula ezinamandla zangoMsombuluko ebusuku zihlasele endaweni yaseDundee imizuzu engu-45 zinganqamuki, kwadala umonakalo omkhulu.

Izakhamuzi ezingaphezu kuka-1 000 zisale dengwane ngenxa yezimvula ezinamandla eziphinde zacekela phansi izindlu ezibalelwa ku-173. Omunye kuthiwa ushaywe wumbani washona ngenxa yokulimala. Okhulumela uMnyango, uMnuz Siboniso Mngadi, uthe imfuyo nayo ayizange isongwe.

“Umonakalo odalekile uhlanganisa izikhukhula emizini eminingi elokishini nasezihlahleni eziwile okuholele ekutheni kuvalwe imigwaqo. Kuphinde kwaba nomonakalo omkhulu kwingqalasizinda, okubalwa imigwaqo, uthango namabhuloho. Amabhizinisi amaningi alahlekelwe, okubalwa abalimi abalahlekelwe yimfuyo nezilimo.”

About The Author

Sidlabezi Gumede

See author's posts